Tampuhan

by Abner Dormiendo

Sinesemento
ng katahimikan

ang mga unang pinag-
patong-patong natin

sa ating pagitan,
pinapalitada

ng mga kinimkim
na sentimiyento

hanggang sa mabuo
ang isang dingding

sa gitna ng ating kama.
Aaminin ko, nais ko

haplusin nang haplusin
ang humihikbi mong likod

ngunit pagod na
ang aking mga kamay

magtibag ng mga pader
na nabubuo sa tuwing

pipiliin nating matulog
nang may kipkip na bigat

sa ating dibdib—
para lamang gumising

nang nakatayong muli
ang aking sinira kagabi lang.

***

Day 24: Write a masonry-inspired poem. So bricks, arches, cement probably.

What I wrote is not too masonic. I just used a couple of terms here and there.

Advertisements